Gjatë ditës së sotme në selinë e Uefa-s në Nion të Zvicrës është hedhur shorti eliminator për europianin edhe për kombëtaren U-19. Skuadra kuqezi e 19-vjeçarëve do të jetë në një grup shumë të vështirë bashkë me Belgjikën, Islandën dhe Greqinë. Turneu “Qualifying Round” për moshën U-19 do të zhvillohet në Belgjike në datat: 13, 16 dhe 19 Nëntor 2019, ku objektivi i ekipit shqiptar do të jetë kalimi në raundin Elitë edhe pse kjo gjë do të jetë shumë e vështirë për t’u arritur.
Ekipi i 19-vjeçarëve kuqezinj do të drejtohet tashmë nga Nevil Dede pas largimit të Erion Bogdanit. Struktura e ekipeve të moshave vetëm pak javë pësoi një ndryshim të madh dhe përzgjedhja e lojtarëve do të ndiqet nga afër nga drejtori teknik Xhemal Mustedanagic.
Në këtë raund eliminator do të jenë gjithsej 13 grupe me nga 4 ekipe. Skuadrat që do të kualifikohen nga raundi kualifikues në raundin Elitë do të jenë 27, ku 26 skuadrat që do të renditen të parat dhe të dytat në grupet e tyre respektive si dhe vendi i tretë më i mirë në 13 grupet do të kaloj në raundin Elitë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
