Nga Gazeta Si- 28 mijë maturantë testojnë njohuritë e tyre sot në Gjuhën Shqipe dhe Letërsi.
Pas provimit të Gjuhës së Huaj të cilin e zhvilluan më 3 qershor, sot maturantët zhvillojnë provimin e dytë ndërsa më 18 qershor kanë provimin e Matematikës.
Në të gjithë Shqipërinë janë 144 qendra ku do të zhvillohen Provimet e Maturës. Do të angazhohen rreth 2900 mësues dhe punonjës të arsimit që do të jenë përgjegjës për mbarëvajtjen e provimit në çdo qendër provimi. Do të jenë 1900 administratorë provimi që monitorojnë grupe prej 15-20 nxënësish, 200 përgjegjës të administrimit, 250 administratorë të sekretimit, 290 përgjegjës për strukturat shkollore dhe mësues ndihmës për mbështetjen e nxënësve me aftësi të veçanta.
Maturantët nuk kanë vonuar për të publikuar në rrjetet sociale tezën A, 30 minuta pas fillimit të provimit.
E njëjta situatë ndodhi edhe në provimin e parë ndërkohë që vetëm Ministria e Arsimit reagoi më pas duke thënë që publikimi i tezave nuk e cënon maturën shtetërore.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
