Për të 13-in vit radhazi, Instituti i Teknologjisë i Masaçusetit (MIT - o. Massachusetts Institute of Technology) renditet si institucioni i arsimit të lartë më i mirë në botë.
Renditja për vitin 2025 nga Kuakuareli Sajmonds (o. Quacquarelli Symonds) merr në vlerësim 1.500 institucione. Faktorët për renditjen përfshijnë reputacionin në punësim, reputacionin akademik dhe raportin mes studentëve vendës e të huaj.
MIT renditet më i miri në fushat e Inxhinierisë Kimike, Inxhinierisë Civile dhe Strukturore, Shkencat
"Nëse dikush do të tregonte historinë e dy dekadave të fundit për arsimin e lartë në botë, Amerika do të mbetej kryesorja pasi aty janë disa nga universitetet më të mira në botë, edhe pse po intensifikohet ambicia e fuqive të mëdha aziatike. Ky vit na jep sinjalin më të fortë deri tani se nuk është e thënë që Amerika do e mbajë pozicionin e saj të privilegjuar," thotë Ben Souter, një nga drejtuesit e projektit.
Universitetet më të mira në botë për vitin 2025 sipas QS:
Instituti i Teknologjisë i Masaçusetit (MIT) - 100 pikë
Kolegji Perandorak i Londrës - 98.5 pikë
Universiteti i Oksfordit - 96.9 pikë
Universiteti i Harvardit - 96.8 pikë
Universiteti i Kembrixhit - 96.7 pikë
Universiteti i Stanfordit - 96.1 pikë
Universiteti i Zyrihut, Zvicër - 93.9 pikë
Universiteti Kombëtar i Singaporit (NUS) - 93.7 pikë
UCL - 91.6 pikë
Instituti i Teknologjisë i Kalifornisë (Caltech) - 90.9 pikë
Në renditjen e fundit SHBA-ja kryeson me 197 institucione të arsimit të lartë mes më të mirëve në botë, ndjekur nga Britania e Madhe me 90 dhe Kina me 71 institucione.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
