Këtë të martë është mbajtur seanca për Dritan Dajtin në Gjykatën e Lartë. Prokuroria ka kërkuar rikthimin e burgimit të përjetshëm për Dajtin.
Mësohet se është zëvendësuar gjyqtari i çështjes Medi Bici, i cili paraqiti dorëheqjen për shkak papajtueshmërie.
Gjykatës për çështjen u caktua me short Artur Kalaja. Ndryshimi i gjyqtarëve u bë shkak për shtyrjen e seancës. Seanca e radhës do të mbahet më 11 qershor.
Kujtojmë se Dajti është dënuar me 25 vite burgim për vrasjen e 4 oficerëve të policisë në gusht të vitit 2009.
Ai i shpëtoi burgimit të përjetshëm, pasi ju pranua gjykimi i shkurtuar, por organi i akuzës kërkoi prishjen e vendimit ndaj Dajtit.
Dritan Dajti është autori i masakrës së Durrësit, ku më 7 gusht të vitit 2009 vrau 4 policë që shkuan për ta arrestuar, Fatos Xhanin, Altin Dizdarin, Kastriot Freskajn dhe Sajmir Duçkollarin.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.