Gazeta Si- Prefekti i Vlorës, Vangjel Tavo është paraqitur këtë të martë në Prokurorinë e Posaçme Antikorrupsion.
Ai është futur në ambientet e Prokurorisë së Posaçme i vetëm rreth orës 10:00 dhe ka qëndruar për rreth 40 minuta.
Tavo deklaroi se u mor në pyetje si person në dijeni për një kallëzim të bërë në vitin 2021.
“Isha për një kallëzim që kam bërë unë në vitin 2021”, tha Tavo. Në vitin 2021, prefekti aktual i Vlorës, atë kohë kandidat i LSI për Gjirokastrën, kallëzoi një person, që sipas tij, po i ofronte para qytetarëve në emër të tij.
Sipas Tavos, kjo ishte një manovër e Rilindjes për t’i dëmtuar imazhin para zgjedhjeve.
Pas arrestimit të kryebashkiakut të zgjedhur të Himarës, Fredi Belerit, Tavo u komentua nga mediat greke si emri i propozuar nga kryeministri Edi Rama për të marrë drejtimin e Himarës, por ky lajm u hodh poshtë më pas.
Tavo u emërua në krye të prefekturës të Vlorës në mars të këtij viti. Më herët, ai ka mbajtur mandatit e deputetit dhe postin e ministrit të Shëndetësisë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
