.png)
Gazeta Si – Zëvendëskryeministrja dhe njëherësh ministrja për Energjitikën dhe Infrastrukturën, Belinda Balluku dëshmoi për rreth 3 orë pasditen e kësaj të mërkure në SPAK.
Pasi ka dhënë dëshminë e saj, Balluku ka thënë në një prononcim të shkurtër për mediat se ishte një thirrje për dosjen hetimore për inceneratorin e Tiranës, për të cilën ka thënë se duhet të jepte disa sqarime.
Balluku është shprehur se kjo është ndarja e vërtetë e pushteteve, ku qeveria ka punën e saj dhe po ashtu drejtësia, të cilën ka thënë se e mbështesin. Për dosjen e inceneratorit të Tiranës, Balluku është shprehur se i ka ardhur koha të zbardhet.
“Ishte një thirrje për dosjen e inceneratorit të Tiranës, duhet të jepja disa sqarime. Kjo është ndarja e vërtetë e pushteteve. Qeveria ka punën e saj dhe drejtësia ka punën e saj dhe ne jemi këtu për ta mbështetur. Kjo është një dosje që i ka ardhur koha të zbardhet”, – tha ajo.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
