Detaje të reja janë zbuluar për vrasjen e një shqiptari në Korfuz, pak ditë më parë. Mediat greke kanë bërë publik emrin e 63-vjeçarit, Petrit Zifle që sipas shtypit të vendit fqinj u vra nga një anëtar i Agimit të Artë.
Nga dëshmitë e personave në vendin e ngjarjes, shqiptari ishte konfliktuar me fjalë një ditë para vrasjes në një lokal të fshatit me autorin, për çështje të karakterit etnik.
U zbulua se autori ishte një 44-vjeçar nga Korfuzi, që rezulton anëtar i Agimit të Artë në
Lefkimi, madje dhe përfaqësues i kësaj partie në ditën e zgjedhjeve.
Autori kishte hapur debat me shtetasit jo grekë dhe për çështjen e Maqedonisë në lokal dhe aty kishte ndërhyrë dhe Zifle.
Personat e tjerë ne lokal i ndajnë dhe greku largohet duke kërcënuar Ziflen, të cilit në Greqi e quanin edhe Petro. Më pas, ai i bën pritë dhe e vret shqiptarin, të cilin e hedh në një kanal.
Sipas mediave greke, Zifle jetonte prej shumë kohësh në Greqi dhe madje ishte pronar i disa tokave në Lefkimi, Korfuz. Shumica e njerëzve e njihte Ziflen dhe janë solidarizuar. Gjithashtu ata kanë kërkuar që të merren masa për prezencën e Agimit të Artë në fshat.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
