Katër persona kanë përfunduar në pranga dhe dhjetra leje drejtimi automjetesh janë pezulluar në dy ditët e fundit nga ana e Policisë Rrugore në Tiranë.
Policia njofton se katër personat janë arrestuar pasi gjatë testit të alkoolit kanë rezultuar pozitiv. Policia apelon që të shmanget drejtimi i automjeteve nën efektin e alkoolit dhe thotë se do të ndëshkojë me masën më të ashpër ligjore kush kapet me këtë kundravajtje.
Ndërkohë, pjesa më e madhe e lejeve të drejtimit të pezulluara kanë ndodhur përgjatë autostradës Tiranë-Durrës.
Policia thotë se përgjatë fundjavës ka mbikëqyrur me radar respektimin e limiteve të shpejtësisë në këtë rrugë ka kapur shkelës të shumtë, që në disa raste udhëtonin deri me 180 kilometra në orë, ose dyfishi i limit të shpejtësisë të lejuar në këtë aks.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
