Gazeta Si - Këshilli i ministrave ka miratuar lirimin nga detyra të dy prefektëve, të qarkut të Fierit dhe të Vlorës.
Në një njoftim thuhet se qeveria ka vendosur të emërojë ish-deputetin e LSI-së Vangjel Tavo si Prefekt të qarkut të Vlorës, duke zënë vendin e Flamur Mamajt.
"Z. Flamur Mamaj, prefekt i Qarkut të Vlorës, lirohet nga kjo detyrë. Z. Vangjel Tavo emërohet prefekt i Qarkut të Vlorës. Ky vendim hyn në fuqi menjëherë dhe botohet në “Fletoren zyrtare”, thuhet në vendim.
Vangjel Tavo ka qenë deputet nën siglën e LSI-së në qarkun e Gjirokastrës, e ndërsa socialistët i kanë besuar së fundmi një detyrë të re.
Po ashtu, Këshilli i Ministrave ka liruar nga detyra prefekten e Qarkut të Fierit, Rajmonda Balilaj.
Pak ditë më parë Gjykata e Posaçme e pezulloi nga detyra Balilajn për “Shkelja e barazisë së pjesëmarrësve në tendera apo ankande publike”, gjatë periudhës që ka qenë kryebashkiake e Patosit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.