Forcat ushtarake amerikane rrëzuan shtatë mjete ajrore pa pilot (UAV) mbi Detin e Kuq të premten në mbrëmje. Njoftimi u dha nga një postim në X nga Komanda Qendrore e SHBA (Centcom).
Në përditësimin e vet, Centcom shkroi: “Në orën 21:20. (koha e Sana’a), luftanija USS Laboon (DDG 58) dhe dhe avionët F/A-18 të nisur nga aeroplanmbajtësja nga “Dëight D Eisenhoëer” u angazhuan dhe rrëzuan shtatë UAV mbi Detin e Kuq. Nuk raportohet për të lënduar apo dëme. Këto veprime do të mbrojnë lirinë e lundrimit dhe do t’i bëjnë ujërat ndërkombëtare më të sigurta për anijet e marinës amerikane dhe anijet tregtare”.
USCENTCOM Red Sea Operational Update
— U.S. Central Command (@CENTCOM) February 3, 2024
On Feb. 2, at approximately 10:30 a.m. (Sanaa time), USS Carney (DDG 64) engaged and shot down one unmanned aerial vehicle (UAV) over the Gulf of Aden. There were no injuries or damage reported.
Later that same day, at approximately 4:40… pic.twitter.com/K7zVEq6zjm
Sipas njoftimit, një dron ishte rrëzuar mbi Gjirin e Adenit në orën 10:30 të premten. Nuk raportohet për të lënduar apo dëme. “Më vonë, gjatë të njëjtës ditë, rreth orës 16:40, forcat ushtarake amerikane kryen sulme kundër katër dronëve Houthi që ishin përgatitur për t’u nisur”, tha Centcom.
“Forcat amerikane identifikuan UAV-të në zonat e kontrolluara nga Houthi të Jemenit dhe përcaktuan se ato paraqisnin një kërcënim të menjëhershëm për anijet tregtare dhe anijet e marinës amerikane në rajon”, deklaruan forcat ushtarake amerikane.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
