Mazhoranca ka rrëzuar propozimin e deputetëve socialistë Erion Braçe dhe Blerina Gjylameti për të rritur kufirin e pagave të pa tatueshme nga 300 mijë lekë të vjetra në 400 mijë lekë.
Gjatë mbledhjes nuk kanë munguar debatet e forta mes anëtarëve të komisionit. Por, teksa vendimi duhej marrë në mbledhjen e sotme të komisionit të Ekonomisë, ideja nuk është diskutuar fare, pasi propozimi nuk është marrë parasysh. Mbledhja e paradites u shty për pasdite dhe atë e drejtoi sekretari i Komisionit, Anastas Angjeli.
Braçe u bë pjesë e mbledhjes në mes të seancës, duke votuar disa herë kundër. Deputeti Braçe votoi kundër projektligjit mbi të ardhurat dhe kundër përjashtimit nga TVSH të imputeve bujqësore.
Komisioni i mbylli diskutimet duke votuar në tërësi buxhetin dhe paketën fiskale, të cilat të hënën do të shqyrtohen në seancë plenare.
Partia Demokratike reagoi përmes deputetes Jorida Tabaku, e cila përmes një postimi në Facebook thotë se mbledhja është e paligjshme, pasi sipas Rregullores së Kuvendit, mbledhjet drejtohen vetëm nga kryetarët ose nënkryetarët e komisioneve.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
