Në ditën e 23 ditë radhazi të protestës, banorët e Unazës së Re kanë bllokuar sërish rrugën në shenjë kundërshtie për shembjen e banesave të tyre.
Me thirrje kundër qeverisë, ‘Qeveri e korruptuar’ banorët kanë kërkuar dëmshpërblim 100 % për banesat e tyre.
Ata kanë lëshuar edhe thirrje në mbështetje të 18-vjeçarit Daniel Drobaj, i cili u la sot në burg për plagosjen e polices Ina Nuka.“O Daniel, o hero, gjithë unaza ty të do”, thërrisnin protestuesit.
Pas vlerësimit të masës së sigurisë, Gjykata e Tiranës ka vendosur që Daniel Drobaj, 18-vjeçari i akuzuar se ditën e protestës plagosi efektiven eforcave “Shqiponja” Ina Nuka me kapsollë, të qëndrojë në burg.
Në seancë 18-vjeçari nga kafazi i xhamit ka treguar dorën edjathtë të fashuar. I riu pretendon se policia i ka thyer gishtat si hakmarrje për gjymtimin e polices në dorë.
Avokati i Daniel Drobajt, deklaroi në fund të seancës gjyqësoresese prokuroria pretendon se ka si provë ndaj adoleshentit vetëm pamjet filmike të momentit të hedhjes së kapsollës në drejtim të efektivëve.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
