.png)
Nga Gazeta Si- Dy persona janë arrestuar në Fier, pasi i hoqën lirinë një 21-vjeçari. Ngjarja ka ndodhur në fshatin Ferras.
Autorët, për shkak të një debati që kanë pasur para 2 ditësh, për motive të dobëta me 21-vjeçarin, kanë ndaluar automjetin me të cilin ky shtetas po udhëtonte, e kanë dëmtuar atë dhe e kanë marrë me forcë për rreth 3 orë.
Gjatë operacionit të koduar “Ferras”, u vu në pranga edhe një punonjës i policisë, me detyrë trup shërbimi në seksionin e Forcës së Posaçme “Shqiponja” për moskallëzim të krimit.
Ai ka pasur dijeni për ngjarjen, por nuk ka njoftuar strukturat e Policisë, për të cilin u bë arrestimi në flagrancë për veprat penale “Moskallëzimi i krimit” dhe “Shpërdorimi i detyrës”.
Në kërkim është shpallur edhe një person, i cili ka bashkëpunuar me dy të arrestuarit që i hoqën lirinë të riut.
Ndërkaq, u sekuestrua automjeti me të cilën autorët morën me forcë 21-vjeçarin si edhe automjeti me të cilin udhëtonte 21-vjeçari, të cilin autorët e kishin marrë dhe fshehur në fshatin Ferras.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
