Gazeta Si – Një sasi me 18 pako me lëndë narkotike të dyshuar si kokainë, e cila dyshohet se vinte nga Shqipëria, është kapur nga agjentët e doganës dhe Policia e Malit të Zi mënesgjesin e kësaj të enjteje.
Sipas mediave mlazeze, nuk dihet ende se sa është sasia e saktë e drogës së gjetur dhe pritet të peshohet në vijim.
Mësohet se në hyrje të Malit të Zi, mjeti me targa franceze tip “BMW”, i drejtuar nga një shtetas i Shqipërisë, është veçuar për kontroll të detajuar pas procedurës së rregullt doganore të kontrollit të automjeteve dhe pasagjerëve.
Sasia e madhe drogës është gjetur në një hapësirë të posaçme nën sediljen e shoferit dhe të pasagjerit, gjatë kontrollit të detajuar të automjetit.
Shtetasi i Shqipërisë, identiteti i të cilit akoma nuk bëhet me dije, është arrestuar, ndërsa paketimet e kokainës janë të së njëjtës madhësi, peshë dhe formë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
