.png)
Gazeta Si – Fatmir Bektashi biznesmeni i vënë nën akuzë për dosjen e privatizimit të ish-kompleksit “Partizani” është rimarrë në pyetje nga SPAK.
Për më shumë se 2 orë, ai ka dhënë shpjegime përpara 2 prokurorëve të posaçëm, të cilët kanë vënë nën akuzë biznesmenin, ish-kryeministrin Sali Berisha dhe dhëndrin e tij Jamarbër Malltezi, për të cilin Gjykata e Posaçme ka vendosur arrest me burg.
Fatmir Bektashi akuzohet se ka hyrë në marrëveshje me Jamarbër Malltezin duke shfrytëzuar ndërmjetësimin e tij me ish-pronarët e truallit dhe i ka transferuar dhëndrit të ish-kryeministrit rreth 5,4 milionë euro.
Bektashi e ka detyrimin për t’u paraqitur në Prokurori në datën 20 nëntor, sikundër ish kryeministri Sali Berisha. Më 23 tetor, GJKKO caktoi “detyrim paraqitje” për biznesmenin.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
