Gazeta Si – Ndërron jetë në reanimacionin e spitalit të Durrësit 84-vjeçari, i cili u sulmua nga një qen pitbull teksa ecte në rrugë.
I moshuari kishte marrë plagë të rënda në trup, gjymtyrë dhe fytyrë si pasojë e kafshimeve dhe prej së premtes ndodhej nën kujdesin intensiv të mjekëve.
I identifikuar si H.B., 84-vjeçari nuk arriti të mbijetojë dhe humbi njërin nga veshët dhe protezat e dhëmbëve.
Ngjarja u regjistrua pasditen e së enjtes në lagjen nr. 13. Sakaq, në pranga ra edhe pronari i qenit, ndaj të cilit rëndon vepra penale “Braktisja e kafshës të shoqërimit”.
Mësohet se 44-vjeçari A.L., e mbante pitbullin në shtëpi por në një moment pakujdesie qeni ka mundur të shpëtojë dhe të dalë në rrugët e qytetit ku edhe ka sulmuar të moshuarin.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
