Gazeta Si – Tre të rinj nga Vlora, mes të cilëve edhe një i mitur, janë arrestuar për vjedhje në Fier. Policia thotë se ata janë autorë të tre vjedhjeve të kryera gjatë muajit tetor në biznese dhe banesa.
Njëri nga autorët rezulton i dënuar më parë për vjedhje me armë dhe me dhunë, në një argjendari në Vlorë, ndërsa gjatë kontrollit kishte me vete një sasi lënde narkotike kokainë.
Në cilësinë e provës materiale janë sekuestruar para dhe sende të vjedhura, një automjet i marrë me qira nga autorët për të shkuar në vendet ku vidhnin, si dhe një sasi lënde narkotike e llojit kokainë.
Konkretisht, janë vënë në pranga:
-20-vjeçari me iniciale M. K., banues në Vlorë, i dënuar më parë për vjedhje me armë dhe me dhunë, në një argjendari në Vlorë, i cili në momentin e arrestimit kishte me vete, një sasi lënde narkotike kokainë;
-19-vjeçari me iniciale G. V., banues në Vlorë;
-një 16-vjeçar, banues në Vlorë.
Nga veprimet hetimore rezultoi se të rinjtë në bashkëpunim me njëri-tjetrin:
-më datë 12.10.2023, kanë vjedhur një shumë parash dhe celularë, në një servis për këto pajisje, në Ballsh;
-më datë 13.10.2023, kanë tentuar të vjedhin në banesën e shtetasit A. Y., në fshatin Varibob;
-më datë 31.10.2023, kanë vjedhur një shumë parash, në një dyqan në Ballsh;
-më datë 31.10.2023, kanë vjedhur një shumë parash dhe disa kamera sigurie, në një biznes në fshatin Cakran.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
