Gazeta Si – Në finalen e ‘Saint-Denis’, një çmenduri e kapitenit Cane bëri që Zelanda e Re të luante me 14 vetë për 53 minuta. Goditjet e Polard kaluan përpara ‘Springboks’. Për Kolisi është titulli i dytë si kapiten.
Afrika e Jugut është shpallur kampion bote në regbi për herë të 4-t, pasi mundi 12-11 në finale ‘All Blacks’. Një titull që vjen 4 vjet pas triumfit në Japoni, ndërsa në Francë kjo skuadër kishte arritur një tjetër sukses në 2007-ën.
Për herë të dytë në finale Afrika e Jugut ka mundur Zelandën e Re, apo ‘All Blacks’, siç njihet. Herën e parë e ka mundur në vitin 1995 në Johanesburg, në Botërorin e shtëpisë. Siya Kolisi bëhet kështu kapiteni i dytë në histori që ngre lart dy herë ‘Webb Ellis Cup’, si Riçi MekKau me ‘All Blacks’ në 2011-ën dhe 2015-ën.
Një karton i verdhë për Shanon Frizell, për një kapje prej fyti të Bongi Mbonambi, ishte episdodi i parë domethënës i finales. Handre Polard zhbllokoi rezultatin. Në minutën e 29-të Sam Cane ndërhyri rrezikshëm ndaj Jese Kriel, shpatull në fytyrë dhe karton i verdhë i paevitueshëm. Sërish inferiorittet numerik, zelandezët bëjnë një tjetër faull dhe Polard firmos 12-3.
Vendimi i Tmo transformon të verdhin e Cane në të kuq, pasi arbitrat nuk tolerojnë ndërhyrje që vënë në rrezik shëndetin fizik. Dhe fati i finales duket se është vendosur këtu.
Në 10 minutat e fundit dy skuadrat kërkojnë të shfrytëzojnë lojën taktike me këmbë për të fituar fushë. Afrika e Jugut arrin me anë të mbrojtjes ta mbajë kundërshtarin në gjysmëfushën e tij. Afrikanët blindojnë edhe topin e fundit, fitoren dhe çojnë në shtëpi kupën e 4-t të botës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.