.png)
Një proces plotësisht i automatizuar, duke përfshirë një mjet krejt të ri të inteligjencës artificiale (AI), ka zbuluar, identifikuar dhe klasifikuar me sukses supernovën e saj të parë.
Algoritmit i janë vendosur në dispozicion 1.4 mln imazhe, të marra nga 16 mijë burime të ndryshme, dhe në vetëm 4 ditë ka arritur të kërkojë, dallojë, konfirmojë, klasifikojë dhe deklarojë në formë plotësisht autonome e pa asnjë ndërhyrje humane, ekzistencën e supernovës SN 2023tyk.
Zhvilluar nga një bashkëpunim ndërkombëtar i udhëhequr nga Universiteti Northëestern, sistemi i ri automatizon të gjithë kërkimin për supernova të reja në qielli, duke hequr në mënyrë efektive njerëzit nga procesi. Kjo jo vetëm që përshpejton procesin e analizimit dhe klasifikimit të supernovës, por gjithashtu anashkalon gabimin njerëzor.
Kjo konsiderohet një metodologji innovative në vëzhgimin e qiellit dhe shpërthimeve kozmike.
Deri me sot mendohet se janë zbuluar nga shkencëtarët vetëm një pjesë e vogël e supernovave që ekzistojnë ne Univers. Ndërhyrja e IA i jep mundësinë dhe kohën për të kuptuar më shume rreth shpërthimeve të fuqishme kozmike, të studiohen ciklet e jetës së yjeve dhe galaktikave.
Supernovat janë shpërthime yjore të fuqishme. Një supernova ndodh gjatë fazave të fundit evolucionare të një ylli masiv.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
