“Mund të pyesin departamentin e drejtësisë në Amerikë”, kështu ka deklaruar Dorian Duçka pasi doli nga SPAK, ku u mor në pyetje për disa orë.
Para gazetarëve ai nuk ka pranuar të bëjë asnjë koment lidhur me marrjen në pyetje.
Ish-këshilltari i jashtëm i kryeministrit Edi Rama, Dorian Duçka u mor në pyetje për rreth 4 orë. Rasti i fundit ku emri i tij ka dalë në skenë, ka qenë në dosjen e ish-zyrtarit të FBI, Charles McGonigal.
SPAK më herët ka deklaruar se është duke kryer verifikime në lidhje me çështjen “McGonigal” dhe do të marrë në pyetje gjithë personat e përfshirë, emrat e përmendur.
Përgjatë ditëve në vijim, sipas të dhënave të SPAK, do të ketë persona të niveleve të larta që do të merren në pyetje.
Në lidhje me Duçkën, ende nuk dihet nëse është pyetur për çështjen “McGonigal”, edhe pse ka dyshime, nuk është konfirmuar ende.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.