Gazeta Si – Në Sarandë, policia ka zbardhur një ngjarje të ndodhur më 20 shtator të këtij viti, ku një person mbeti i plagosur.
Fillimisht u raportua se 33-vjeçari Hekuran Murtaj ishte dëmtuar aksidentalisht nga plasja e një fisheku.
Ndërkohë, policia bën me dije se 33-vjeçari është arrestuar, pasi nga hetimet rezultoi se ishte vetëplagosur me armën të cilën e kishte pa leje.
Gjithashtu në pranga kanë rënë edhe dy persona të tjerë, të cilët dyshohet se kanë fshehur armën e zjarrin dhe bënë kallëzime të rremë për të penguar zbulimin e të vërtetës.
Në pranga ka rënë 63-vjeçari M.M., dhe 51-vjeçari L.R., të dy banues në fshatin Stjar në Delvinë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
