.png)
Gazeta Si – Mund të kënaqej duke festuar titullin e tretë radhazi kampion bote, pas vendit të dytë në garën Sprint të së shtunës, por ka menduar t’i vërë gjërat në vendin e vet Maks Vershtapen. Holandezi ka fituar Çmimin e Madh të së dielës në Losail.
Ai regjistroi fitoren e radhës në sezonin e tij të artë, duke mposhtur konkurrentët në Katar. Si dy javë më parë, në pod bashkë me SuperMaks u ngjitën Oskar Piastri dhe Lando Norris me makinat MekLaren, por duke ndryshuar vendet.
Vendin e katërt e ka zënë Xhorxh Rasëll, protagonist i një kontakti në nisje me shokun e skuadrës Ljuis Hemilton, menjëherë jashtë gare. Në vend të 5-të ka dalë Sharl Leklerk me të vetmen Ferrari në garë, pasi Karlos Sainz mungoi për një problem.
The points scorers in Qatar 🇶🇦#F1 #QatarGP pic.twitter.com/9Bf0LMvio7
— Formula 1 (@F1) October 8, 2023
Në 10-shen më të mirë arritën të renditen edhe Fernando Alonso, Esteban Okon, Valteri Botas, Guanyu Zhou (dy Alfa Sauber në top 10!) dhe Serxhio Perez.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
