Gazeta Si – Një 30-vjeçar është kapur në flagrancë në Shkodër, teksa transportonte me automjet dy thasë me 35 kg hashash.
Policia tha se i riu me iniciale N.M., u kap me dy thasë me 35 kg kanabis, të cilat i kishte vendosur në pjesën e pasme të automjetit.
Pasi ka marrë informacione, policia e ka ndaluar për kontroll në aksin rrugor “Shkodër-Prekal”, në fshatin Ura e shtrenjtë.
Gjatë kontrolleve, në bagazhin e këtij automjeti u gjetën 2 thasë me lëndë të dyshuar narkotike cannabis sativa, me peshë totale 35 kilogramë, të cilët u sekuestruan në cilësinë e provës materiale. Ai do të hetohet për veprën penale “Prodhimi dhe shitja e narkotikëve”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
