.png)
Gazeta Si – Një çift francez, janë arrestuar pasi tentuan të dilnin nga Shqipëria përmes Portit të Durrësit, ku në automjetin e tyre tip kamper, policia gjeti një armë sportive dhe një sasi kanabisi.
Policia tha se në automjetin kamper, me drejtues shtetasin francez Sylvain Mardon 25 vjeç dhe ku ishte pasagjere shtetasja franceze Clarisse Estelle Matte, 28 vjeçe, ishte përshtatur një hapësirë, për fshehjen e një arme sportive dhe të një sasie lënde të dyshuar narkotike kanabis sativa.
Pas arrestimit, policia sekuestroi si provë materiale, armën sportive dhe sasinë e lëndës narkotike kanabis sativa.
Materialet proceduriale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme, për veprat penale “Trafikimi i armëve dhe i municionit” dhe “Prodhimi dhe shitja e narkotikëve”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
