.png)
Nga Gazeta ‘Si’-Policia e Kosovës ka njoftuar se është duke kryer pesë kontrolle në tri komunat në veri të Kosovës.
Shënjestër e këtyre kontrolleve janë edhe pronat e nënkryetarit të Listës Serbe, Milan Radoiçiç.
Sipas mediave kosovare, vila e tij që ndodhet në Ujman është duke u bastisur prej orës 6:00 të mëngjesit.
Njësia Speciale e Policisë së Kosovës ka kryer kontrolle në rrugën ku ndodhet restoranti Grey, që raportohet se është i gruas së Milan Radoiçiçit nga ku janë sekuestruar disa makina, dy prej të cilave me targa të Beogradi dhe një pa targa fare.
Policia njoftoi se këto operacione janë duke u zhvilluar lidhur me ngjarjet e fundit të ndodhura në fshatin Banjskë.
“Operacioni policor është duke vazhduar nga njësitet relevante të Policisë së Kosovës, me prezencën në vend ngjarje të Prokurorit (të PSRK-së). Me këtë rast Policia e Kosovës njofton qytetarët se nuk kanë nevojë për ndonjë shqetësim”, thuhet në njoftimin e Policisë.
Urdhër kontrollet po zbatohen në koordinim me EULEX-in dhe KFOR-in.
Milan Radoiçiç, sipas ministrit të Brendshëm Xhelal Sveçla, ka qenë pjesë e grupit terrorist i cili të dielën që lamë pas vrau një polic në Banjskë të Zveçanit.
Pas këtij rasti, Policia ndërmori një aksion për të neutralizuar këtë grup, i cili ishte strehuar në Manastirin e Banjskës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
