Gazeta Si – Policia e Tiranës ka vënë në pranga një 19-vjeçar dhe procedoi penalisht një 22-vjeçare, nën akuzën e “shfrytëzimit të prostitucionit” dhe “prostitucionit”.
Sipas të dhënave paraprake, 19 vjeçari B.M. dyshohet se ka shfrytëzuar për prostitucion, kundër përfitimeve monetare, shtetase të moshave 18-25 vjeçe.
Ky aktivitet i paligjshëm kryhej në hotele dhe hostele të ndryshme të Tiranës. 19-vjeçari nëpërmjet rrjeteve sociale gjente klientë, të cilët më pas i orientonte në vende të caktuara për t’u takuar me shtetaset që i shfrytëzonte për prostitucion.
Materialet i kaluan Prokurorisë pranë Gjykatës së Shkallës së Parë të Tiranës, për veprime të mëtejshme procedurale.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
