Gazeta Si – Një medalje ari dhe një argjendi për Kosovonë vijnë nga sporti i xhudos, konkretisht nga Grand Slam-i që po zhvillohet në Baku, Azerbajxhan. Nora Gjakova ka fituar të artën, kurse Distria Krasniqi të argjendtën.
Gjakova mundi në finalen e kategorisë deri në 57 kilogramë gjeorgjianen Eteri Liparteliani. Një tjetër arritje e madhe kjo për xhudon e Kosovës, që sistematikisht ka fituar medalje në eventet më të mëdha.
Në xhiron e dytë Gjakova kishte mundur polaken Arleta Podolak, në xhiron e tretë gjermanen Seija Ballhaus, në cerekfinale triumfoi me Ippon ndaj francezes Priscilla Gneto dhe në gjysmëfinalen po me Ippon turken Hasret Bozkurt.
Medalje argjendi fitoi xhudistja tjetër, Distria Krasniqi, e cila u mund në finale nga japonezja Kisumi Omori.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
