Gazeta Si – Drejtuesi i një kamioni është gjobitur me 32.000 lekë të reja gjobë, pasi ka parakaluar një kamion tjetër në shkelje të plotë të rregullave rrugore.
Drejtoria Vendore e Policisë Elbasan, reagoi këtë të premte pas një videoje të publikuar në media, në të cilën shfaqet një kamion duke kryer parakalim të gabuar në aksin rrugor “Elbasan-Librazhd”, në segmentin ku nuk lejohet parakalimi dhe në kthesë me rrezikshmëri për t’u përfshirë në ngjarje rrugore.
Policia thekson se, Policia Rrugore në Elbasan, ka identifikuar drejtuesin e kamionit, shtetasin A.R., dhe kanë vendosur ndaj tij, masën administrative 32 000 lekë të rinj.
Drejtoria Vendore e Policisë Elbasan fton qytetarët të denoncojnë në numrin 112 dhe në Komisariatin Dixhital, çdo rast të shkeljes së rregullave të qarkullimit rrugor, dhe i garanton ata se do të reagojë menjëherë dhe konform ligjit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
