Gazeta Si – Një punonjës policie në Mirditë, i cili sapo kishte lënë shërbimin dhe po kthehej në banesë, ka humbur jetën në një aksident tragjik.
Ngjarja e rëndë ka ndodhur mëngjesin e kësaj të shtune, rreth orës 07:20 në aksin rrugor Rrëshen-Rubik dhe në aksident janë përfshirë 2 makina.
Policia njofton se automjeti tip “Chevrolet” me drejtues shtetasin malazez me iniciale M.F., është përplasur me makinën tip “Benz” që drejtohej nga punonjësi i policisë me iniciale G.L.
Drejtuesi i “Chevrolet” ndodhet në spital për ndihmë mjekësore. Paraprakisht, dyshohet se shkaku i aksidentit rrugor ka qenë parakalimi i gabuar në shkelje të rregullave të qarkullimit i automjetit tip “Chevrolet” që drejtohej nga malazezi.
Grupi hetimor ndodhet në vendin e ngjarjes dhe nën drejtimin e Prokurorit, vijon hetimet për zbardhjen e plotë të rrethanave dhe shkakut të aksidentit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
