Gazeta Si – Një 31-vjeçar është arrestuar në Vlorë, pasi akuzohet se ndihmonte emigrantët e paligjshëm të kalonin kufirin.
Sipas policisë, mësohet se në kuadër të operacionit të koduar “Drashovica”, është bërë i mundur ndalimi i të riut në aksin rrugor “Peshkëpi-Vlorë”, pasi në automjeti tip “Ford Focus”, ishin 8 emigrantë me shtetësi afgane, të cilët po transportoheshin, kundrejt pagesave, me qëllim kalimin e kundërligjshëm të kufirit, drejt vendeve të BE-së.
Ndërkohë në cilësinë e provës materiale u sekuestrua automjeti “Ford Focus”, 150 dollarë dhe 50 euro, të dyshuara të përfituara nga kjo veprimtari kriminale, si dhe 1 celular.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
