Nga Gazeta ‘Si’-980 bimë kanabisi janë asgjësuar nga policia në Skrapar gjatë një aksioni të koduar “Tomorri”.
Bimët narkotike ishin kultivuar në fshatin Novaj. Në pranga kanë rënë 2 persona; Mariglen Babaliu 43 vjeç dhe Dorian Laze 33 vjeç, të dy banues të fshatit. Nga kontrollet në banesat e tyre, policia gjeti edhe 2 radio marrëse-dhënëse.
Në lidhje me këtë operacion është proceduar penalisht në gjendje të lirë edhe kryetari i fshatit Novaj si dhe inspektori i shërbimit pyjor të zonës Q.D.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Berat, për veprime të mëtejshme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
