Gazeta Si – Një arsenal armësh dhe municione luftarake janë dorëzuar në Policinë e Kukësit këtë të enjte nga 65-vjeçar.
Sipas policisë, i moshuari i kishte përvetësuar armët gjatë vitit 1997 dhe i mbante të fshehura në banesë.
Ai ka dorëzuar në polici: 1 kallashnikov, 3 pistoleta, 3 granata, 1300 fishek pistolete, 2500 fishek kallashnikovi, 7 krehra armësh dhe 4 ndezëza të unifikuar.
Armët e zjarrit janë dërguar në Institutin e Policisë Shkencore, për ekzaminime të mëtejshme, për të verifikuar nëse janë përdorur ose jo, për ndonjë ngjarje kriminale, ndërsa për 65-vjeçarin ka nisur procedimi në gjendje të lirë. Materialet proceduriale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Kukës, për veprime të mëtejshme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
