Gazeta Si – Një 57-vjeçar i divorcuar, është prangosur në Sarandë, pasi akuzohet se ka abuzuar seksualisht vajzën e tij 24-vjeçare.
Policia thotë se burri akuzohet për veprën penale “Marrëdhënie seksuale ose homoseksuale me persona në gjini ose nën kujdestari”, pas kallëzimit nga vajza e tij 24 vjeçe, se ky shtetas ka kryer marrëdhënie seksuale me të, në banesën e tyre.
Mësohet se i akuzuari, me iniciale R.Rr., me origjinë nga Lushnja, banonte së bashku me vajzën e tij prej 1 muaji në një shtëpi me qira në fshatin Dërmish, Bashkia Finiq.
Kanë qenë banorët e fshatit ata të cilët kanë vënë re veprime të dyshimta dhe kanë raportuar në polici. Pas fillimit të investigimit nga ana e policisë, e reja ka denoncuar se babai i saj abuzonte vazhdimisht seksualisht ndaj saj.
Po ashtu, policia në Sarandë, thotë në një njoftim se ka arrestuar një 67-vjeçar për veprën penale “Ngacmimi seksual”, pasi vajza e tij 15-vjeçare e ka denoncuar se po e ngacmonte seksualisht.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
