Gazeta Si – Një 28-vjeçar nga Greqia u arrestua këtë të martë në pikën kufitare të Kapshticë, i akuzuar për ushtrim prostitucioni.
Policia bën me dije se i riu kishte shfrytëzuar prej një muaji për prostitucion një 30-vjeçare greke. Ai u kap në tentativë për t’u larguar në shtetin fqinj.
Ndërkohë në kërkim nga forcat blu është dhe një person tjetër, i dyshuar se i ka vjedhur të resë shuma parash. Nga ana tjetër, 30-vjeçarja u procedua penalisht për ushtrim të prostitucionit.
“Në kuadër të këtij operacioni, në bashkëpunim me Policinë Kufitare të Kapshticës, u kap gjatë tentativës për t’u larguar nga vendi ynë, shtetasi F. P., 28 vjeç, banues në Greqi. Nga hetimet ka rezultuar se 28-vjeçari, gjatë këtij muaji, ka shfrytëzuar për prostitucion një 30-vjeçare nga Greqia, ndaj së cilës filloi procedimi në gjendje të lirë për veprën penale “Prostitucioni”, – njofton policia.
Gjithashtu, nga veprimet hetimore dyshohet se një shtetas ende i paidentifikuar, i ka vjedhur 30-vjeçares, një shumë parash. Vijon puna për identifikimin, kapjen dhe arrestimin e tij. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme”, raporton policia./
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
