Gazeta Si – Një ngjarje e cila ka ndodhur një vit më parë në Kurbin është zbardhur nga policia këtë të hënë, e cila ka arrestuar 59-vjeçarin I.L., pas hetimeve për vdekjen e një personi të dyshuar si të rrëzuar në një kanal.
Në atë kohë viktima u gjet nga familjarët me shenja jete, por ndërroi jetë pas disa orësh. Policia tha se pas një konflikti të çastit me viktimën Y.T., ky i fundit ka rënë në kanal, ndërsa i ndaluari është larguar menjëherë pa i dhënë ndihmë mjekësore.
Ndërkohë mësohet se, Gjykata e Kurbinit ka caktuar masën e sigurisë “arrest me burg” për veprën penale “Vrasje nga pakujdesia”
Sipas provave nga grupi i hetimit, policia arrestoi shtetasin I.L., 59 vjeç, banues në fshatin Shullaz, Kurbin, i cili ishte shpallur në kërkim.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
