Gazeta Si – Dy turistë italianë të vdekur dhe dy të plagosur është bilanci i një aksidenti të rëndë në orët e para të mëngjesit të kësaj të enjteje në aksin Sarandë-Ksamil.
Gritto Domenico 24 vjeç dhe Vicenzo Tizziano 32 vjeç, janë dy italianët që ndërruan jetë në vendngjarje, pasi motoçikleta me të cilin udhëtonin u përplas me një automjet tip ‘Mercedes Benz’ rreth orës 03:00 të mëngjesit.
Për shkak të përplasjes kanë mbetur të plagosur edhe 2 persona të tjerë, një 16-vjeçar dhe një 17-vjeçar me iniciale E.R., nga Saranda. Të plagosurit janë dërguar në spital për ndihmë mjekësore.
Automjeti tip “Mercedes-Benz” drejtohej nga 17-vjeçari E.R. Rrethanat e ngjarjes dhe dinamika e aksidentit po hetohet nga policia.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
