Gazeta Si – Policia Kufitare, në bashkëpunim me Delta Forcën iu ka ardhur në ndihmë 4 pushuesve, 2 prej të cilëve të mitur, të cilët kishin mbetur në mes të detit me një pedalon pranë Ksamilit.
Era e fortë dhe dallgët e larta e bënë të pamundur daljen në breg dhe për këtë arsye, 4 personat që udhëtonin në pedalon kërkuan ndihmë.
Si rezultat i mbërritjes së shpejtë në zonën e sinjalizuar, të 4 personat janë shpëtuar dhe u nxorën në breg, në gjendje të mirë shëndetësore.
Policia e Shtetit fton çdo qytetar që gjendet në një nevojë që lidhet me detyrat funksionale të Policisë, të kërkojë ndihmë dhe reagimi do të jetë i menjëhershëm.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
