Gazeta Si – Një furgon që transportonte 22 emigrantë të paligjshëm është ndaluar nga policia në aksin rrugor Përmet-Këlcyrë, ku është arrestuar drejtuesi i mjetit, 34-vjeçarin me iniciale A.H., nga Lushnja.
Gjatë aksionit për ndalimin e furgonit me emigrantë nga vendet e Lindjes së Mesme, drejtuesi i mjetit tentoi të shpëtonte dhe aksidentoi dy automjete që ndodheshin në rrugë.
Policia tha se gjatë tentativës, shoferi ka dëmtuar lehtë një punonjës policie që ishte në shërbim, i cili ka marrë ndihmë mjekësore në spitalin e Gjirokastrës dhe ndodhet jashtë rrezikut për jetën.
Në cilësinë e provës materiale u sekuestrua automjeti furgon dhe 3 celularë. Materialet i kaluan Prokurorisë, për veprime të mëtejshme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
