.png)
Gazeta Si – Kampioni i botës në Formula 1 ka tejkaluar limitin e shpejtësisë në një autostradë në Nisë, në timonin e ‘bishës’ së ndërtuar në bashkëpunim me Red Bull. Piloti holandez rrezikon një gjobë.
Maks Vershtapen në telashe pas një videoje të postuar në rrjetet sociale. Ai shfaqet teksa drejton me shpejtësi një ‘Aston Martin Valkyrie’ afër Nisës. Videoja është postuar nga miku dhe trajneri personal i pilotit, Mark Koks. Piloti i Red Bull-it në atë moment e drejton makinën me 120 km/h, ndërkohë që shpejtësia e lejuar është 90 km/h.
Even during summer break Max is driving a Newey spaceship😭 pic.twitter.com/9qAMW0agSB
— Enzo (@Aperta) August 19, 2023
Vershtapen në fakt duket se ka bërë edhe dy shkelje të tjera të kodit rrugor. Ai mban kufje në vesh (në Francë është e ndaluar) për të eleminuar zhurmën e ‘V12 Cosworth’, 1160 kuaj fuqi duke marrë në konsideratë edhe motorin elektrik të bashkangjitur, si dhe bën një parakalim duke hequr dorën e djathtë nga timoni.
Duke qenë se nuk është kapur në flagrancë, holandezi rrezikon një gjobë deri në 750 euro. ‘Valkyrie’, supermakina prej 3 milionë eurosh, është realizuar nga Aston Martin dhe Red Bull. Janë prodhuar vetëm 150 ekzemplarë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
