.png)
Një 16-vjeçar është dëmtuar pasi është hedhur nga shkëmbi në det. Në ndihmë të tij, u fut dhe miku i tij 17-vjeçar, por nuk mundi ta shpëtonte.
Në ndihmë të tyre erdhi edhe policia e Himarës e cila i nxori dy adoleshentët nga deti.
Sa i takon gjendjes së tyre shëndetësore, 16-vjeçari është shoqëruar me helikopter drejt ‘Traumës’ në Tiranë ndërsa miku i tij ndodhet jashtë rrezikut për jetën.
Dy djemtë sapo kishin zbritur nga mjeti lundrues Jet Ski dhe hipën në shkëmbinj për t’u hedhur në det, ku u regjistrua edhe incidenti.
Në vendngjarje ndodhen shërbimet e Policisë vendore dhe ato të Policisë Kufitare, si dhe grupi hetimor, me qëllim dokumentimin e plotë të rrethanave të ngjarjes.
Ndërkohë, është shoqëruar në Komisariat dhe po merret në pyetje pronari i mjeteve lundruese.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
