.png)
Nga Gazeta Si- Të gjithë prindërit që nuk arritën dot të regjistrojnë fëmijët e tyre në klasë të parë dhe të dhjetë gjatë fazës së parë, do mund ta bëjnë regjistrimin nga datat 21 gusht deri më 1 shtator.
Përmes një njoftimi, Ministria e Arsimit thotë se regjistrimi mund të bëhet përmes sistemit e-Albania, edhe të fëmijëve që mbushin 6 vjeç brenda muajit dhjetor të vitit akademik.
“Të gjithë prindërit që mendojnë se fëmijët e tyre, edhe pse ende nuk i kanë mbushur 6 vjeç e kanë tashmë zhvillimin dhe përgatitjen e duhur, si dhe kanë dëshirë t’i regjistrojnë ata në klasë të parë, janë të ftuar të aplikojnë në sistemin e-Albania nga data 21 gusht deri më 1 shtator”.
Regjistrimi i fëmijëve që në moshën 5 vjeçare është risia e këtij viti, me kushtin që deri në 31 dhjetor të 2023-shit të kenë mbushur 6 vjeç. Ky ndryshim është miratuar edhe në ligjin e arsimit parauniversitar, megjithatë nuk është e detyrueshme dhe vendimmarrja u takon prindërve.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
