Gazeta Si – Babë e bir janë arrestuar në Tiranë, pasi akuzohen për shpërndarje dhe magazinim të mallrave kontrabandë.
Sipas policisë mësohet se në kuadër të operacionit të koduar “Next”, babë e bir transportonin mallra të kontrabanduara drejt Shqipërisë, dhe i magazinonin ato, në subjektin në administrim prej tyre.
Gjithashtu në lidhje me këtë ngjarje është proceduar penalisht edhe një punonjës i këtij subjekti. Gjatë kontrollit të ushtruar në subjektin në administrim nga keta shtetas, në rrugën “Xhanfize Keko”, shërbimet e Policisë gjetën mallra të ndryshme të dyshuara të kontrabanduara.
Nga verifikimet e kryera ka rezultuar se këto mallra ishin transportuar drejt Shqipërisë, nga dy të arrestuarit, të cilët i magazinonin në këtë subjekt, dhe më pas mallrat shpërndaheshin nga punonjësi i tyre në disa pika shitje, në zona të ndryshme të Tiranës.
Në cilësinë e provës materiale u sekuestruan mallra të ndryshme të dyshuara të kontrabanduara. Operacioni për goditjen e kësaj paligjshmërie vijon.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
