Një aksident i trefishtë është regjistruar në orët e pasdites së të shtunës në aksin rrugor Korçë-Pogradec, në afërsi të fshatit Gurishtë, duke shkaktuar 7 të plagosur, mes të cilëve dhe dy të mitur.
Një nga makinat ka dalë nga rruga pas përplasjes, teksa një tjetër ka përfunduar në barrierat mbrojtëse të rrugës, duke dëmtuar lehtë 3 drejtuesit e mjeteve dhe pasagjerët.
Fatmirësisht pasi kanë marrë ndihmën e parë, të 7 të lënduarit kanë dalë nga spitali.
Shkak për aksidentin mendohet të ketë qenë shpejtësia e njërit prej mjeteve dhe lagështia në rrugë, pasi momentalisht i gjithë qarku i Korçës është përfshirë nga reshje të dendura.
Policia ndodhet në vendngjarje dhe po punon për zbardhjen e rrethanave të aksidentit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
