.png)
Një statujë prej brozi, e një kalorësi, realizuar në shekullin V-të para Krishtit, është ekspozuar gjatë këtyre ditëve nga Instituti Getty.
Artefakti, siç citohet në faqen e Institutit amerikan, në laboratorin e të cilit edhe është restauruar, është gjendur në vitin 2018 në Babunjë të Lushnjës në vendin tonë.
Në përshkrimin që shoqërohen imazhet e publikuara thuhet se në bashkëpunim me Institutin Arkeologjik Shqiptar, konservuesit e 'Getty-t' e “analizuan, pastruan dhe ruajtën këtë statujë”.
Përpos kësaj, Instituti “Getty” shton se artefakti, të cilin e emërton si “Kalorësi dhe kali nga Shqipëria”, u gjend në vitin 2018 në Babunjë të Shqipërisë duke e konsideruar si “një rajon dikur të populluar nga kolonistët grekë, në atë kohë të njohur si Iliria”.
Forumi Për Mbrojtjen e Trashëgimisë që ka njoftuar në rrjetet sociale për lajmin e restaurimit të artefaktit, duke nënvizuar peshën e laboratorit që ka sjellë në gjendje stabile veprën e artit, shton se “ky zbulim i shekullit V para Krishtit tregon për kulturën e zhvilluar të prapatokës të bregdetit ilir si dhe shkëmbimet tregtare”.
Më tej në status i njihet kontributi studiuesit Hasan Ceka, si i pari arkeolog që gërmoi në stacionin tregtar të Babunjës në vitet ’60.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
