.png)
Gazeta Si - Këshilli i Lartë i Prokurorisë ka pezulluar nga detyra kryeprokurorin e Kukësit Xhevahir Lita, i arrestuar gjatë operacionit të SPAK me emrin e koduar, "Metamorfoza", në të cilën u zbardhën 4 ngjarje kriminale.
Prokurorët e posaçëm kanë dyshime që ish-drejtuesi i Prokurorisë së Kukësit, Xhevahir Lita, është gjetur në “shpërdorim detyre” dhe “korrupsion”.
Deri në zgjedhjen e një drejtuesi të ri, kjo zyrë Prokurorie do të drejtohet nga Zv/ Drejtuesja, Enkeleda Hoxha.
Xhevahir Lita e mbante detyrën e Prokurorit të Kukësit që prej vitit 2021. Më herët ai mbante detyrën e prokurorit në Prokurorinë e Tiranës.
Emri i prokurorit u zbulua nga përgjimet në një sërë komunikimesh në rrjete të enkriptuara, si "Sky" dhe "Enkrochat" të zbardhura nga autoritetet e huaja dhe vënë në dispozicion Prokurorisë së Posaçme çoi në zbardhjen e 4 ngjarjeve kriminale në Shkodër dhe Tiranë.
SPAK thotë se Xhevahir Lita dyshohet se ka mbyllur dosjet e ngjarjeve kriminale me protagonistë anëtarët e bandës së Bajrave në Shkodër. Më herët ai mbante detyrën e prokurorit në Prokurorinë e Tiranës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
