Gazeta Si – Dy 50-vjeçarë shqiptarë u arrestuan mëngjesin e kësaj të shtune, në Monza dhe Cuneo të Italisë, nga policia e Brianzas, pasi akuzohen për dhunë seksuale në grup ndaj një 29-vjeçareje italiane.
Mediat italiane, raportojnë se ngjarja ka ndodhur rreth 10 muaj më parënë rrethana rënduese të përdorimit të substancave alkoolike dhe narkotike.
Sipas hetimeve të komisariatit të Monzës, viktima e dyshuar kishte shkuar në darkë me njërin nga dy burrat, mik i familjes (tani në burg), i cili e kishte trullosur të renë, duke e tretur në gotën e saj të ashtuquajturën “drogë përdhunimi”, GHB për ta çuar në shtëpinë e saj, ku me shqiptarin tjetër (tani në arrest shtëpie), e kanë përdhunuar.
Menjëherë pas darkës, 29-vjeçarja me kombësi italiane filloi të mos ndihej mirë, duke shfaqur eufori dhe amnezi dhe raportoi se kishte mbërritur në shtëpinë e burrit, ku i priste fqinji.
Duke u zgjuar në shtrat e zhveshur dhe e hutuar, gruaja kishte dalë nga shtëpia dhe në ditët në vijim kishte shkuar në klinikën Mangiagalli në Milano, ku personeli shëndetësor verifikoi abuzimet dhe rezultatet e analizave ia dërgoi Prokurorisë Publike.
Të dyshuarit më vonë i bënë një ofertë parash në përpjekje për ta detyruar vajzën të tërhiqte akuzat dhe denoncimin në polici.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
