.png)
Gazeta Si – Kampioni i botës në boks (kategoritë WBA, IBF dhe WBO) i peshave të rënda, Oleksandr Usyk, ka vendosur t’i dedikohet futbollit. Boksieri 36-vjeçar ukrainas do të luajë në kategorinë e 2-të në vendin e tij, me Polisian.
Njoftimin e ka dhënë Genadij Butkeviç, presidenti i skuadrës së qytetit Zhytomyr. Fituesi i madaljes olimpike në Londër 2012 ka firmosur një kontratë për një vit.
“Na ka impresionuar gjatë kësaj periudhe që është stërvitur me ne, – ka thënë Butkeviç. – Mënyra e tij e punës ka qenë një shembull i mirë për të gjithë lojtarët tanë. I propozuam që të qëndrojë dhe dashuria e tij për futbollin solli këtë bashkëpunim. Ishte ëndrra e tij të luante në futbollin profesionist dhe tashmë bëhet realitet”.
Usyk do të mbajë fanellën me numër 17 dhe do të luajë si sulmues anësor. Në të njëjtën kohë kampioni i botës për peshat e rënda do të mbrojë titullin më 26 gusht kundër britanikut Daniel Dubois në Wroclaw, në Poloni.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
