Gazeta Si – Ish-zyrtarja e kryeministrisë, Alda Klosi ka kërkuar ndryshimin e masës së sigurisë në Gjykatën e Tiranës.
Por seanca e të martës ndaj ish-zyrtares, të cilës iu vodh një shumë parash prej rreth 520 mijë euro në banesë nga pastruesja Rozeta Dobi, ka dështuar.
Shkak mësohet se është bërë dorëheqja e gjyqtares Vjollca Spahiu nga shqyrtimi i kërkesës, për shkak se pretendon se ka konflikt interesi.
Alda Klosi kërkoi lirinë nga qeli me argumentin se ka probleme shëndetësore dhe se ka fëmijët në kujdestari.
Ish-zyrtarja Alda Klosi u arrestua para disa muajsh me akuzën e pastrimit të parave, mosdeklarimit të pasurisë dhe deklarim të rremë, bazuar edhe në dëshminë e dhënë nga sanitarja Rozeta Dobi.
Kjo e fundit pretendon se ish-zyrtarja e lartë mbante vlera të larta monetare në banesë që prej vitit 2018 dhe se e gjithë shumë monetare prej rreth 500 mijë eurosh, e gjetur në banesën e saj pas arrestimit për vjedhje, ishin të Klosit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
