.png)
Këtë fundjavë janë regjistruar një numër jo i paktë viktimash nga aksidentet në vendin tonë.
Gjelosh Rushaj, i cili u aksidentua ditën e enjte në Dukagjin, ndërroi jetë këtë të diel në Spitalin e Traumës në Tiranë.
Rushaj ishte duke u kthyer me kamionin e tij drejt Shkodrës nga fshati Plan i Njësisë Administrative Pult të Dukagjinit, por fatkeqësisht mjeti me të cilin udhëtonte ra në humnerë. Për pasojë nga plagët e shumta të marra nuk arriti të mbijetojë.
LEXO EDHE
- U përplasën nga autobusi, burrë e grua ndërrojnë jetë në spitalin e Shkodrës
- Aksident në Sarandë/ Ndërron jetë ish-kryetari i komunës Livadhja
- Ra në humnerë në Dukagjin, vdes në Spitalin e Traumës shoferi i kamionit
- “Range Roveri” del nga rruga dhe shpërthen në flakë, humb jetën 22-vjeçari shqiptar në Itali
Po ashtu një tjetër çift bashkëshortësh ndërruan jetë ditën e sotme në Spitalin e Shkodrës, të cilët u aksidentuan një ditë më parë në aksin Shkodër-Koplik.
Ato ishin duke udhëtuar me motor teksa u përplasën nga një autobus që kthehej nga Mali i Zi me dhjetëra qytetarë nga Lezha, të cilët ishin për vizitë turistike.
Viktimat janë 84-vjeçari Adem Sula 84 si dhe bashkëshortja e tij, Sadije Sula.
Si pasojë e përplasjes çifti i bashkëshortëve morën dëmtime të shumta dhe nuk arritën t’u mbijetonin plagëve.
Ndërkohë, një tjetër aksident u regjistrua këtë të diel në aksin rrugor Sarandë-Delvinë.
Dy mjete janë përplasur me njëra-tjetrën ku për pasojë ka ndërruar jetë Irodhi Dalani.
Pavarësisht se u dërgua për mjekim drejt Janinës, Dalani nuk ka mundur të mbijetojë.
Irodhi Dalani ka qenë kryetar i Komunës Livadhja dhe ushtronte aktivitet në përpunimin e qumështit.
Policia ka nisur hetimet për shkaqet e ngjarjes.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
