Reali i Madridit fiton derbin spanjoll të merkatos me Barcelonën për futbollistin turk (mesfushor me tipare sulmuese), Arda Güler.
Klubi katalan, në fakt, dërgoi emisarë javën e kaluar në Turqi (udhëhequr nga drejtori i ri sportive, Deco) për të negociuar me Fenerbahcen transferimin e lojtarit 18-vjeçar, por vetë talenti në fjalë ka udhëtuar nga Bodrumi, ku po kalonte pushimet, për në Stamboll për të komunikuar vendimin e tij.
Gjatë orëve të fundit, Reali i Madridit ndërhyri me prepotencë, duke e rritur ofertën nga 17.5 milionë, që ishte klauzola e largimit, në 20 milionë euro.
Madje klubi “merengues” ka pranuar që Fenerbahce ta mbajë 20% të kartonit në rast të rishitjes së futbollistit.
Sipas As, mungon vetëm firma që Guler të bëhet pjesë e “Los Blancos”. (Supersport)
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
